طبیعت زیبای بهاری خوجین

خوجین (فین) سرزمین خاطرات دوران کودکی ها - بایاتیلار

بایاتیلار


 تصاویر زیباسازی وبلاگ،قالب وبلاگ،خدمات وبلاگ نویسان،آپلودعكس، كد موسیقی، روزگذر دات كام http://roozgozar.com

عزیزیم، بادا گئتدی

یئل ووردو بادا گئتدی

دوشمن بیر ایش ایشله دی

گنج عؤمروم بادا گئتدی

***
گؤیلر بولودلو قالدی

قوشلار اومودلی قالدی

آچاری یار بوینوندا

گؤنلوم کیلیدلی قالدی

***
آتیمیزی قوشالیم

داغی-داشی آشالیم

سن یاغیش اول، من بولوت

یاغارکن قووشالیم

***
فلكین ایشی دوشسون

آغزیندان دیشی دوشسون

اونوندا منیم كیمی

نامرده ایشی دوشسون

***
فلكین قهری منه

گلمیری رحمی منه

دولدورور غم باده سین

ایچیردیر زهری منه

***
فلكین داد الیندن

اولمادیم شاد الیندن

یاپیشایدیم یاخاندان

چكییدیم داد الیندن

***
عاشق سازین ساز ایله
قیشی آپار یاز ایله
گل کونلومون آهلارین
آهنگ شهناز ایله
***
النمیشم الک دن
اییلمه رم فلک دن
آلچاقلیقدان قورخورام
درس آلمیشام پلنگ دن
***
ایگید اولان آغلاماز
اوره ک لری داغلاماز
نوخدا ووران نفسینه
دنیایا بئل باغلاماز
***
دردلرین دواسی یوخ
دوستلارین وفاسی یوخ
دنیا دئرین قویی تک
سویی وار، هاواسی یوخ

***

یوزون گؤز رؤوشنی‌دیر,
زولفون جان جؤوشنی‌دیر.
خیالین ایلن کؤنلوم
محببت کؤوشنی‌دیر.
******
عاشقام گــــوزوم اغلار

گولمـــــرم اوزوم اغــلار

دردیمی كیمـــــه دئییم

اغزیمــــدا سوزوم اغلار


******

گئتــدی الد ئن جاوانلق

ائتمــــه بیـــزه یامانلــق

وصـــــاله چا تانمـــادوخ

فــــرا قونـــــده دولانــق

******

باقجادان گــول قوتاردی

قارا زلفیـــــم اغــــاردی

الله منیــــــم سوگیمـی

گورئسن كیـــــم اپاردی

******

جوت گوزی واربــــادامی

اشیــد مری صــــــدامی

ادام اونـــا بـــاخـــانــــدا

كـــــاباب ائلیـــــرادامــی

******

یای گئچیب پاییزاولـــدی

گئجه قوشی نئج اولـدی

بلبــــــل گولــه نه دئـییب

گولـرون گولی سولــــدی

******

اولدوز باتــدی آی چخدی

باهار چخدی یای چخدی

دونیـــــادا هر نه غــم وار

اودا منــــه پای چخــــدی

******

كاروان هـــاردان گئلئـــــر

خبرلـــریــــاردان گئلئــــــر

دییـــولـــه یــار گئلنــــــده

هممشـه بـــوردان گئلئـر

******

گورچینلــــر اوخـــولـــــلار

یــووالاردان چخــــولـــــلار

كتان كوینــــك نازبــا لــش

گوزل قیــــزلار توخولـــــلار

******

سو گئلدی اخدی گئتــدی

یارگئلـــدی باخدی گئتـدی

قـــــزل اوزوك الینــــــــــده

الیمــــه تاخـــدی گئتــــدی

******

گوللــری خرمن اوستــــــه

ائــــــدردی دسته دستــــه

گوللـــــری وئـــــــرون منــه

ساخـــــلارام گوزوم اوسته

******

چاغــــر گئلیـــم هایووا

قزلارگئلســــون تویووا

گور نئجه قامتــــون وار

قـــــوربان اولوم بویووا

******

الیـــــــم دیوارا دئیــدی

نه دئـــدیم یارادئـیـــدی

بو اللــره جان قوربــــان

كیـم بیلور هارا دئــیدی

******

قالیب قولاغیـم سسده

مـــن بیـــزاراوهوســــده

الله نئـــجه زمــا نــــــدور

او ازاد مــــن قفســــــده

******

تللــــرون دارا آی قیــــــز

قاشلارون قـــارا آی قیــز

یئرین دئه قوی من بیلیم

منزلیــــن هارا آی قیـــــز

******

اوجا بوی قارا قاش گوز

یـــوخ ارامزدا هچ سـوز

نچّـــه غمه من دوزدوم

بیرینـه ده سن گئل دُوز

******

داغــلارون باشی داشــــدور

كیپریگــون اوستی قاشــدور

عاشــــق اولسون بیلـــرسن

سین میئن هانسی باشدور

******

مارالی داغـــــدا گــئـــــزون

بلبلــــی باغــــدا گــئـــــزون

شـــامـــامــا یئـــتیــشنــده

ایستـــه سوزتاغــدا گئــزون

******

قـــریبـم كومگیــم یـــــوخ

بیــــر پارا چورگیـــم یـــوخ

آیــریلق نه یــامــانــــــدی

جانــــم واراورگیـــم یـــوخ

******

یئل دئیب اغاج اسدی

بو غمــلر منه بســـدی

سنون تك دولانمـــاقون

منیم صبریمی كســدی

******

سوگلوم هارا گئلـــدی

آغ گونوم قــــارا گئلدی

سنــد ن آیری دوشنن

اورگیــــم زارا گئلـــدی

******

بلبلــر دیل آچآنــــــدا

غنچه لر گــول آچآندا

وُرلـدم سنه آی قــــز

چمن اوسته قاچانـدا

******

هر گلشنیـن باقی وار

هركوشنین داغــی وار

قریبـــم نئـــــجه دوزوم

اورگیمین داغـــــی وار

******

كونلــومی غبار آلـــــدی

سولدی رنگیم سارالدی

بلبلـــم قیشـــــا نینیــــم

دوره می دای قـار الدی

******

یانارام صبـــــــحه كیمـــی

گئجه نی صبـــحه كیمــی

نئجه چئكیـــم بـــــو دردی

گئـــجه نی صبــحه كیمی

******

عزیزیم میی دولـــــدور

نفس وور نیی دولــدور

خوش اولاخ ایكیمیــزده

ور ایچیم میی دولـــدور

******

باهار هانی گل هانــــی

باقچــــادا بلبـــل هانــی

بلبلـــــه نه دئییــــــم من

سوروشسا سنبل هانی

******

كئجه لر قرانقـــولـــــوخ

سوگئلیر بــــوروخ بوروخ

مگــر یــاری گورمكــــده

اولارمیش اوغـــوررولوخ

******

 تصاویر زیباسازی وبلاگ،قالب وبلاگ،خدمات وبلاگ نویسان،آپلودعكس، كد موسیقی، روزگذر دات كام http://roozgozar.com


   بیر قوش گلیر آغ داشدان

خبر ویریر قارداشدان
قارداش باجیدان دویسا
باجی دویماز قارداشدان

***

بو گلن اوزون بیلمز
دانشسا سوزون بیلمز
هر گلیب سو دولدوران
چشمه نین گوزون بیلمز

***

بوستانام تاغیم آغلار
غمدن یاپراغیم آغلار
ساغام اوزوم آغلارام
اولسم توپراغیم آغلار

***

بو دره نارین دره
گیتدیكجه نارین دره
بوردا بر باغ سالدیم
یار گله نارین دره

***

آی چیقدی قادر آللاه
تقصیریم نه در آللاه
یا منیم سووگولیمی
یا منی ئولدور آللاه

***

آغ آلما قیزیل آلما
نیمچه یه دوزول آلما
چیركین آل نجیب اولسون
بد اصیل گؤزه‌ل آلما

***

عزیزیم آپار منی
گول ائله آپار منی
ائل یولوندا ایتمیشم
ایتیرن تاپار منی

***

آجیخان چؤرک ایستر
قار توکن کورک ایستر
ظالیمین إوین ییخماق
بیر بؤیوک اوره گ ایستر
***

بوداغلار قار اولایدی
باهاری وار اولایدی
چوخدان گؤزوم یولدادی
اول گلن یار اولایدی
***

بوداغلاردان آشارام
سئل تک دولوب داشارام
وطنیمه یئتیشسم
ایللر بویو یاشارام
***

چتین گونده دوزه رم
دوستاقلاری چکه رم
وطنیمه یئتیشسم
توپراقینی اوپه رم
***

قارانلیقدان قاچارام
گؤنشه یول آچارام
وطن آدی گلنده
آدینا گول ساچارام
***

اوزان بیلر ساز نه دی
نازسیز بیلر ناز نه دی
باغبان آرزی سین چکر
بولبول بیلر یاز نه دی
***

عزیزیم آنا دیلیم
مین دئیه ر جانا دیلیم
زامان سیخیب بوغسادا
قویمارام یانا دیلیم

 تصاویر زیباسازی وبلاگ،قالب وبلاگ،خدمات وبلاگ نویسان،آپلودعكس، كد موسیقی، روزگذر دات كام http://roozgozar.com





موضوع: بایاتی های محلی،
برچسب ها: بایاتیلار، خلخال، خلخالیمیز، خلخالیم، خوجین، فین، ازناو خوجین،
[ دوشنبه 1 دی 1393 ] [ 08:58 ب.ظ ] [ شباهنگ ]
شبکه اجتماعی فارسی کلوب | Buy Website Traffic | Buy Targeted Website Traffic